Prófessor nær dauða en lífi
Ég var á rúntinum á Suðurgötunni áðan þegar alveg hreint gríðarlegur prófessor ákvað að ganga yfir götuna án þess að líta eftir bílum. Hann var greinilega í þungum þönkum því hann gekk lengi vel eftir götunni og ég var næstum búinn að tæta yfir greyið. Er ekki hægt að fá eitthvað lið sem á að sjá um þessa kalla og passa að þeir labbi ekki út í umferð og svona, leikskólakennarar eru auðvitað vanir svona löguðu. Það væri kannski nóg að dreifa einum til tveim við Suðurgötuna sem er áreiðanlega mesta dauðagildran fyrir prófessorastofninn okkar.